БУСАГА

Киткәннәрнең җылы аяк эзен

Саклап тора сыман бусага,

Кеше кайта,

Кайта туган өйгә,

Бик күп сулар аккан булса да.

 

Исән булса, үзе кайтып төшә,

Хат-хәбәре килсә, соңласа,

Җилләр булып газиз җаныкайта,

Даны кайта, исән булмаса.

 

Тәүге эзгә бер басарга тиеш,

Кеше кайтып ничек булса да;

Намусына кара таплар кунса,

Юк, уздырмый эчкә бусага.

 

Үтәлмәсәң әгәр аның аша,

Урын табылмаса түрендә,-

Каһәрләнеп куылган эт кебек,

Син елларның ишек төбендә.

 

Нинди хәлдә кайтып баш орырбыз,

Туган өйгә-изге тупсага?-

Без узарга тиеш түргә кадәр,

Урыныннан йөрәк купса да.

(Харрас Әюп)